اسکاټلنډ مسلمانو ښځینه پولیسو ته حجاب په سرولو اجازه ورکړه

0 1,601

اسکاټلنډ  مسلمانو  ښځینه پولیسو  ته  حجاب په سرولو  اجازه ورکړه. اسکاټلنډ  حجاب د مسلمانو ښځینه پولیسو  د یونیفورم  د یوې پارچې په توګه ومنل .

د اسکاټلنډ پولیسو پدې اړه په خپره کړې خبرپاڼه کې ویلي دي چې  دا پریکړه به  د پولیسو په تشکیلاتو کې  د مختلفو کولتورونو  د پولیسو د قوي ځواک په جوړولو کې  مرسته وکړي.

د اسکاټلنډ  د پولیسو لخوا د خپور شوي  راپور له مخې  سږ کال  د پولیسۍ  په خاطر  نږدې  ۵۰۰ تنو مراجعه کړې ده چې  ددوې د جمع نه  ۱۲۷ تنه  د مختلفو توکمونو او دینونو  لارویان  دي.

د ویلو ده چې په اسکاټلنډ کې  ددینه مخکې  مسلمانو ښځیه پولیسو یواځې  د خپلو امرینو  په اجازه  حجاب  په سرولی شو.

همداشان  د انګلستان پلازمینې لندن  په ۲۰۰۱ کال کې  د مختلفو دینونو او توکمونو وګړي  پولیسو تشکیلاتو ته د راجذبولو په خاطر  حجاب د ښځینه مسلمانو پولیسو لپاره  د یونیفورم  د یوې پارچې په توګه منلی وو.

TRT Pashto

Leave A Reply

Your email address will not be published.