هره ورځ 500 لارۍ ټاک شوکاڼی په ناقانونه توګه پاکستان ته وړل کېږي

0 1,842

د خدای پار دی،
د ننګرهار له خوږياڼي ولسوالۍ څخه هره ورځ 500 لارۍ ټاک Talc(شوکاڼی؟) په ناقانونه توګه پاکستان ته وړل کېږي. تر دې مهاله اته نيم لکه ټنه ټاک Talc پاکستان ته وړل شوي. له دې لارې يواځې طالبانو 46 مليونه ډالره تر لاسه کړي.
ټاک Talc خورا مهم کاني مواد دي چې په نړېوال بازار کې يې د يوه ټن قېمت له 300 نيولې تر 500 ډالره دی. په درملو، کاسمېټک، ربړ، روغني رنګ، کاغذ، ساختماني موادو، برقي تختو/ساکټونو او ګڼو نورو شيانو په توليد کې کارول کېږي.
اوس خبره دا ده هغه حکومت چې په شاوخوا دوه نيم کالو کې يې د کانونو وزارت لپاره وزير ونه موند، د وطن د دې قيمتي خزانو ساتنه کولی شي؟ پاتې خو پلان، ستراتيژي، بازار موندنه، کان کېدنه او ګټه اخيستنه شوه.
په وطن چور ګډ دی. د ملياردونو ډالرو معدنونه غلا کېږي. پاچا د څو لکو افغانيو په سپما بوخت دی. که نور څه نشې کړای، يو وزير خو ورته ټاکلی شې؟ که معدنونه تر خپلې ولکې لاندې نشې راوستی، کېندونکي غله خو يې بمبارولی شې؟ دا لوی لوی کاروانونه اخر په کومه تېرېږي؟

نحیب ننګیال

Leave A Reply

Your email address will not be published.