د فضل الرحمان فتوی /احمد شاه افغان

0 381

پاکستان ته د ولسمشر ډاکټر اشرف غني دسفرپه اړه چې د افغانانو ډېراميدونه پيدا شوي دي اوډېری افغانان په دې هيله دي چې کېدای شي دا سفر يوه نتيجه ورکړي او د کرزي د سفرونو په څېربې گټي او ضايع نه وي.
په دې لړکې مي راډيو کوک کړه چې گوندي څه په زړه پوري خبره واورم،په دې کې مي واورېدل چې مولانافضل الرحمان فتوی ورکړې چې په افغانستان کې اوس هم جهاد شته او هلته جگړه جائز ده ځکه هلته بهرني ځواکونه شته!!
بايد ووايم چې دا د فضل الرحمان په دې اړه کومه نوې فتوی نه ده بلکې له دې پخوايې هم دغسي څرگندوني کړې وي
له دې فتوی زه داسي انگېرم چي ښايي دا د پاکستان د استخباراتو اصلي دريځ هم وي او دا هيواد به بيا هم په افغانستان کي د جگړې اورته پوکی وهل جاري وساتي.
فضل الرحمان دغسي څرگندوني په داسي حال کې کوي چې د ده په هيواد پاکستان کې هم د امريکايانو، ناټو او چين اډې شته اوورسره په يادشوي هيواد کې انگرېزي قانون پلی کېږي خو بياهم فضل الرحمان هلته جگړه ناجائز بولي.
څنگه داسي يوهيوادچې د انگرېزقانون پکې پلی دی اوهغه دمرحوم مولانابجلي گهرصاحب خبره چې په شپېته کاله کي (دپاکستان له جوړېدو د مولاناصاحب د دې وينا تر وخته پوري) يوه فيصله د الله جل جلاله په قانون په پاکستان کې ونه شوه!!
خو بياهم په ده کې جهاد نشته خوپه افغانستان کې په هر وخت کې جهاد فرض عين وي؟؟
د مجاهدينو په خلاف چې طالبان راپاڅېدل هغه وخت هم جهاد د مولانافضل الرحمان او پنجاپيانو په عقيده او فتوی فرض عين وواو اوس هم فرض عين دی؟
داپه داسي حال کې چې دمجاهدينوقانون اسلامي وو اوداوسني دولت قانون هم اسلامي دی.
خوددې برعکس دپاکستان قانون له اولي ورځي تراوسه پوري انگرېزي دی.بياهم دلته جهاد نشته؟؟ .
له دې نه مونږ دا جاج اخيستلی شوچې مولانافضل الرحمان او پنجاپيانو تل د جهاد له کلمې دځان او پاکستان به گټه کاراخيستی دی.
نوافغانان بايدنورسرخلاص کړي،لاسونه سره يوکړي اونورد افغانستان دُښمنانوته موقع ورنه کړي چې داهيوادوران کړي اوهيوادوال ديوه اوبل په خلاف وجنگوي.
دا د افغانانو ناپوهي ده چې لاهم په دې نه دي پوه شوي چې پنجاپيان زمونږ بربادي غواړي.
زه په دې باوريم چې که امريکايان ووزي نوبياهم پاکستان  طالبان سولي ته نه پرېږدي اونه هم طالبان  سوله  کوي بلکې په جگړه به ټينگار کوي دا ځکه چي يو خو د طالبانو مشران داسي څوک دي چې خبري ته غوږنه نيسي اوپه خپلي دې سرټمبگۍ سره په لوی لاس امريکایانوته ددائمي اډوبهانه په لاس ورکوي.
اوبل د فضل الرحمان غوندي درباري ملايان شته چې غواړي د پنجاب د گټو لپاره په افغانستان کې دا اور بل وساتي.
خوله بده مرغه په افغانانو کې ديني علم ډېر کمزوری دی او جذبې يې هم اوج ته رسېدلې دي چې له امله يې د ډېرو ناخوالو سره مخ شوي دي،له بله پلوه درباري ملايانوهم تل د خپلو مشرانوپه گټه فتواوي ورکړې دي اوپه دې لارکې يې دمسلمان په وژلواوبې عزته کولوهم صرفه نه ده کړې بلکې د خپلو گټو لپاره يې دجهاد د مقدسي کلمې نه هم ناوړه گټه اخيستې ده چې د دې بېلگي هرچاته  معلومي دي.
پای

Leave A Reply

Your email address will not be published.