پکتياوال: که ولسمشر کړې ژمنې عملي نه کړي رايه نه ورکوو

0 83



د پکتيا ولايت قومي مخورو، د مدني ټولنو استازو، د ولايتي شورا يو شمېر غړو او ځوانانو د يوې غونډې په ترڅ کې وويل، که ولسمشر ورسره کړې ژمنې عملي نه کړې، رايه نه ورکوي. دوی زیاته کړې ولسمشر په تېره پنځه کلنه دوره کې د پکتيا لپاره هېڅ اساسي کارونه نه دي کړي او هغه ژمنې، چې له پکتياوالو سره يې د ټاکنو پر مهال کړې وې يوه هم نه ده عملي کړې. د ولايتي شورا وکيل محمدالرحمن قادري وويل، د ټاکنو پر مهال له پکتیاوالو سره ۱۲ بېلابېلې ژمنې لاسليک کړې، خو يوه هم عملي شوې نه ده. د يادولو ده، چې په دغو ۱۲ پروژو کې د مچلغو بند، د ګردېز-غزني تر منځ غځېدلی سړک، د مامورينو ښارګوټی، صنعتي ښارګوټی، د امنيه قومنداني ودانۍ او واردېدونکې برېښنا پروژې شاملې دي چې ځینې یې یوازې پرانیستل شوې او نورې هغه یې لا هم پر خپل ځای پاتې دي.

Comments
Loading...