تهران ښار یوې ناڅرګندې بد بویۍ په سر اخیستی دی

0 72


د رسنیو د راپورونو له مخې په تهران کې یو بد او کرکجن بوی خپور شوی دی خو تر اوسه یې اصلي لامل نه دی په ګوته شوی. په تهران کې په ټولنیزو رسنیو کې په دې اړه سختې ناندرۍ روانې دي. د تهران اوسېدونکي پر حکومت نیوکه کوي چې د خلکو اندېښنو ته ځواب نه وايي او دداسې یوه خطرناک بد بوی په اړه پټه خوله دي چې ټول تهران یې په سر اخیستی دی. ځینو راپورونو ویلي وو، چې ښايي د کانالیزاسیون پایپونه چاودلي او یا غوڅ شوي وي، خو د تهران ښاروالي وایي چې کانالیزاسیون کې ستونزه نشته ده. ایرانی حکومت تر اوسه په دې اړه پټه خوله دی خو د تهران اوسېدونکو ته سخته اندېښنه پیدا شوې ده. د نړیوال بانک د یوې سروې له مخې تهران د ککړو ښارونو په کتار کې راځي، خو دا څرګنده نه ده، چې دغه بوی د تهران له ککړتیا سره اړیکه لري که په دې ښار کې کومه بله ستونزه رامنځ ته شوې ده.

سپوږمۍ رادیو

Comments
Loading...