د افغانستان د کرکټ بورد په مشرۍ کې بدلون

عاطف مشعل د کرکټ بورد له مشرۍ لاس پر سر شو او پرځای یې ولسمشر محمد اشرف غني د یوه فرمان په لاسلیکولو سره د افغانستان کرېکټ بورډ ته نوی مشر عزیزالله فضلي وګوماره.

د تیرو څو ورځو راهیسې داسې ګونګوسې وی چې ښایي د کرکټ بورډ په مشرۍ کې بدلون راشي. د افغانستان د کرکټ غوره لیګ سیالیو لپاره د لوبغاړو له بولۍ وروسته یو شمیر لوبغاړو چې په دې بولۍ وانه خیستل شول د کرکټ بورد په مشرانو تورونه پورې کړل چې د لوبغاړو د پېرولو بهیر روڼ نه وو.

خو د افغانستان کرکټ بورد دا تورونه رد کړل او رسنیو ته یې ویلي چې دوی د لوبغاړو په پیرلو کې دخالت نه درلود او د لوبغاړو د پیر بهیر شفاف وو.

د افغانستان د کرېکټ بورډ د مشرانو پر ضد اعتراضونه او په دې اداره کې مخالفتونه نوې خبره نه ده.

تر دې وړاندې د کرېکټ بورډ پخوانی مشر نسیم دانش هم وروسته له هغه له دندې لېرې شو چې د ملي لوبډلې یو شمېر لوبغاړو یې بر ضد اعتراضونه پیل کړل چې په پایله کې يي د ۲۰۱۶ کال د ډیسمبر پر ۱۶ شکرالله عاطف مشعل د کرېکټ بورډ مشر او د نسیم دانش ځایناستی شو.

Categories: خبرونه,کرکټ

Tags:

خپل نظر ولیکۍ

Your email address will not be published.