ولسمشر غني خطرناک وخت کې قطر ته روان شوو

هلمند پردېس

0 97

ولسمشر غني  اوسني وخت کې تر بل هر وخت د ډېرو ننګونو او چېلنجونو سره مخ دى،ځکه چې پاکستان په دې وروستیو کې ډېره ماهرانه او مدبرانه حملې او سياسي ګوزارونه ورباندې وکړل،چې تر ډېره ورباندې کمياب او نتیجه يې هم مثبته ده.
تر ټولو اول يې فزيکي جګړې ته زور ورکول دي،چې د افغانستان په ښارونو او ولسوالیو کې روان دي،او درانه مالي او ځاني تلفات هم لري او ورسره څنګ کې کور دننه د مذهبي توندلارو راپورته کول او د مخامخ ټکر کولو او ګوتڅنډنې دي،چې ولسمشر يې ورباندې وداړلو،او همدارنګه د ده نيمايي سياسي شريک د سولې عالي شورا رئیس ډاکټر عبدالله عبدالله پاکستان ته تګ او د عبدالله عبدالله د مشاويرينو په سوشل مېډيا کې د پاکستان په ګټه تبلیغاتي کمپاين او عملاً ملاتړ د دې په مانا ده،چې د ده نيمايي سياسي شريک ټيم د راتلونکي سياسي فرصت لپاره د پاکستان سره په خپل نرخ سودا کړى ده.
خو تر ټولو مهم چې د ولسمشر غني لپاره هر وخت د بريا کيلي بللى شوى وه،د وطنپرسته ځوان نسل ملاتړ وو،چې په دې اواخرو کې د ده د مشاورينو غلطو لارښونو او د ده د کمزوري سياسي شاته تګ له وجې ميدان مذهبي توندلارو ته پريښودو اوځوان نسل يې په لوى لاس ناهيلي کړو او د دوى ملاتړ يې لاسه ورکړو .
پاکستان دغې هر څه ته مخکې له مخکې ډېره ښه حسابي کړى وه،ځکه يې په يوه وخت ولسمشر غني تر ډېرو ګوزارونو لاندې راوست،د جمهوريت سالار او ټيم يې هم دغه لوبه د اوس وخت لپاره بايللى ده،خو که دا سلسله همداسې دوام ومومي نو ډېر زر به راتلونکې کې د نورو سترو ماتو سره مخ شي او افغانستان به د نورو تحولات شاهد وي.

Leave A Reply

Your email address will not be published.