واورين راپور او د واورې افتتاح

0 88


اسماعیل دانش


ولسمشر غني به په نږدې راتلونکې کې د کابل د واورې افتتاح وکړي.

ارګ په یوه خپره کړې اعلامیه کې وایي، د ناسا د ادارې د محیط او اقلیم له برخې سره مو یو قرارداد امضا کړی، چې له مخې به یې په کابل هر کال واوره وریږي.
له بل پلوه، د پخواني ولسمشر کرزي پلویان وایي، چې نوموړې پروژه د کرزي په هلو ځلو پیل شوې وه او ګویا ولسمشر غني پخوانۍ پیل شوې پروژې بیا له سره افتتاح کوي.
حنیف اتمر همدا نن سهار یو مطبوعاتي کنفرانس ته په وینا کې وویل، هیڅ چا ته به اجازه ور نه کړو، چې د کابل د واورو په پروژه دې له طالبانو سره معامله وکړي، دا زموږ د ټیم هلې ځلې وې، چې بلاخره په کابل واوره ووریده.

د طالبانو ویاند ذبیح الله مجاهد بیا وایي، د کابل د ګوډاګۍ ادارې په دروغجنو خبرونو باید ملت و نه غولیږي، تیره ورځ امیرالمومنین ولس ته د استسقا لمانځه حکم کړی و، ځکه په کابل واوره ووریده، ذبیح الله مجاهد وایي، موږ په دې هکله د کابل د ګوډاګۍ ادارې ټول دروغجن تبلیغات په کلکه ردوو.

Comments
Loading...