طنز – کولنګی / محمود نظری

مشران  دلته  سیاسي دوکانداري کوي

پلوردمنقول اونامنقول هر دولتي شي کوي

ټول داسره غله د اسلام او  جهاد په نامه

دغلا په شیانوژر ژر دتسبو دانه  شماري کوي

په دې وحدتي دولت کې چلیږي یوازې کولنګي

دلته دې دولت کې نه چلیږي دا لغړ پغړ مسلکي

یو وزیر  یې نه ویني بل یې لري اینکي ذره بیني

څو یې پکان دي د چا ویښان لکه خولۍ سکندري

ډیرخاینان په سیاست کې  لکه خښته سوي پاخه

دهر  خپل خاین د مړیني تلین ښه  په شانداره لمانځي

دمشهورو خاینانو مړه پورته سوه غونډیو ته

خلک ددوی د پاک شهیدو د خیانتو په بویو کوي ګانګي

د دې خلکو له وراسته وجدانه بد بوی  راوځي

یو یې د پسه زور نه لري خو زور وهي سره د غویي

هر یو خپل سر د یو پردي تر غولانځې لاندې کړی

دهغه دشیدو په زور ځان د شوده ګانو پر اوږو سپروي

په دې د بګیلانو په کښته پورته  کیدو هیڅ نه کیږي

وطن په انډل چو کله آبادیږي مازي  مشر کوي ساتیري

جزګی جزګی دی که څه  دزمري پر څوکۍ ناست وي

په غلو پورته کښته کیدو  دولت کله وځي له ګوډاګي

هر وزیر موجار یږي د نورو هیوادو د بلا او بلاګي

په دې ډیموکراسۍ کې ترهر څه ښه ده نمک حرامي

دا مه وايه چې نور به ددې ښه وي  یا به ښه سي

وطن هغه وخت وطن کیږي چې ولري رښتیا ازادي

یو په امریکا بل په پاکستان بل په ایران ناریږي

هغه وي تر ټولومخکې چې تر ټولو وي حرامي

دا وطن هغه وخت وطن کیږي  دټولو افغانانو

چې وطن خلاص سي د تیزوداړو د تورخډل سپي

Categories: ژبه، فرهنګ، کلتور,طنزونه