پر پاکستاني طالبانو انتقاد کوونکی وکیل فضل خان ویشتل شوی

0 139

پاکستاني طالبانو ته په سزا غوښتونکي وکیل فضل خان پرون مازیګر په پېښور کې برید شوی دی.

نوموړي په پېښور کې پر پوځي ښوونځي د پاکستاني طالبانو او پاکستاني استخباراتو له لوري د ګډ برید په اړه څېړنه کوله او تل به یې په پوځ انتقادونه کول. په دغه برید کې د وکیل فضل خان یو زوی هم وژل شوی و.

د پښتون ژغورنې غورځنګ مشر منظور پشتین په ټویټر لیکلي، چې په وکیل فضل خان د نامعلومه کسانو له لوري د برید په اړه به چوپ پاتې نشي: «د پېښور د ارمي پبلک سکول د شهیدانو د فورم صدر، د یو ماشوم شهید پلار او د مرکزي کمېټې د غړي فضل خان ایډوکیت په ګاډي ډزې شوې دي.»

منظور پشتین زیاته کړې: «موږ به د دغه برید په اړه له حکومت څخه پوښتنه کوو، هر ځل د مذاکراتو پر مهال د پي ټي ایم پر غړو ولې بریدونه کېږي؟»

تر دې وړاندې د پښتون ژغورنې غورځنګ ګڼو غړو له پاکستاني پوځ اواستخباراتو سره پر مذاکراتوانتقاد کړی و او په وینا یې، هغوی پخپلو خبرو کې رښتیني نه دي.

پښتون ژغورنې غورځنګ تل د نامعلومه کسانو له لوري بریدونه د پاکستاني استخباراتي کړیو کار بولي او وروستی قرباني یې وکیل فضل خان دی، خو ویل شوي چې د نوموړي روغتیایي وضعیت اوس د ډاډ وړ دی.

Leave A Reply

Your email address will not be published.