پښتین پاکستان ته: که مو حق رانکړې، هغه کار به وکړو چې ته پرې دردېږې

0 79

د پښتون ژغورنې غورځنګ مشر منظور پښتین تېر ماښام خیبر پښتونخوا کې یوې ولسي غونډې ته په وینا کې ویلي، پاکستان فکر کوي دی قوي دی، خو دی دې ډاډه اوسي، چې له مونږ ځواکمن نه دی، ځکه کله چې زمونږ قام و، د دوی نوم هم شتون نه درلود.

هغه ویلي، پاکستان د پښتنو خلاف پروپاګند کوي، تر څو چې دغه هېواد د پښتنو حقوق نه وي ورکړي، خپله مبارزه به جاري ساتو.

د پښتین په خبره، د پښتونخوا امن د پاکستان په لاس کې دی، کله چې وغواړي ناامنه کوي، کله چې وغواړي، امن کوي.

هغه ویلي، پاکستان له پي ټي ام خار خوري، دوی غواړي مونږ محوه کړي او له دې لارې خپلو اهدافو ته ورسېږي.

منظور پښتین ټينګار کړی دی، چې پاکستان په جګړو ډالر ګټلي دي او په جګړو کې خپلې ګټې ویني.

د پي ټي ام مشر یو ځل بیا د پښتنو تر منځ په یووالي ټينګار کړی دی او ویلي يې دي چې اتفاق کولای شي پښتانه خپل منزل ته ورسوي.

Comments
Loading...