د پښتون ژغورنې غورځنګ د رهبرۍ غړو د وژلو فرمان صادر شو

0 99

د پښتون ژغورنې غورځنګ د رهبرۍ غړي محسن داوړ پخپل ټويټر د الفرقان وزيرستان څانګې په نوم د يوې ترهګرې ډلې هغه اعلاميه خپره کړې چې په کې يې دغه ډله او په ځانګړي ډول نوموړی په پښتني خاوره کې د فحشا په خپرولو تورن کړی دی.
په دې اعلاميه کې نوموړی د همدې تورونو له امله واجب القتل بلل شوی او خپلو کسانو ته يې امر کړی دی چې نوموړي له منځه يوسي.
محسن داوړ دې ادعاوو ته په ځواب کې ليکلي دي : «موږ بار بار ويلي چې په پښتني سيمو کې ترهګر ګروپونه بيا د منظمېدو په حال کې دي، خو موږ ته ځواب نه دی راکړل شوی. په ورته مهال ترهګرو بېرته پښتني سيمو ته مخه کړې او دا ټول د حکومت په ملاتړ. زه به خپلو هڅو ته دوام ورکړم، ان که زما د سر په قېمت هم وي
څو ورځې وړاندې اعلان وشو چې ای ايس ای د پښتون ژغورنې غورځنګ د ځپلو لپاره د تنظيم فدايانو اسلام په نوم ډله جوړه کړه او هدف يې دا دی چې د دې غورځنګ په غړو ځانمرګي بريدونه وکړي او له منځه يې يوسي.
ای ايس د دغو ترهګرو ډلو له لسو زياتې څانګې فعالې کړي، ترڅو په هر قېمت چې کېږي د پښتون ژغورنې غورځنګ مخه ډب کړي. ای ايس ای دغه تجربه وړاندې د عوامي نشنل پارټۍ د غړو په له منځه وړو هم ازمويلې او تر ډېره بريالي شوي هم دي

Comments
Loading...