هند افغانستان ته څلور جنګي‌ چورلکې ورکوي



افغانستان وايي چې هند افغانستان ته څلور نورې جنګي هلیکوپټرې ورکوي. د افغانستان د ملي امنیت شورا سلاکار حمدالله محب، چې تېره اونۍ یې د هند د ملي‌ امنیت سلاکار په بلنه نوي ډهلي ته سفر کړی و، له یوې هندۍ رسنۍ سره په مرکه کې ویلي، چې د دغو څلور ام ای ۲۵ هلیکوپټرو څخه دوې به یې د روان ۲۰۱۹ کال د مارچ په میاشت کې او دوې نورې به یې د جون او یا جولای میاشت کې افغانستان ته ورسېږي. هند تر دې وړاندې هم درې هلیکوپټرې افغانستان ته ورکړې وې. هند د تېرو څو کلونو راپدېخوا له افغانستان سره په پوځي برخو کې د همکاریو ترڅنګ په بیارغنیزو او اقتصادي برخو کې همکارۍ کړي‌ دي.

Image may contain: sky and outdoor

Categories: خبرونه