سیګار: له حکمتیار سره د سولې هوکړه، د مثبت اغېز سبب نه ده شوې

له ګلبدین حکمتیار سره د سولې هوکړې، د سولې پر بهیر قطعي اغېز نه دی کړی. سیګار یا د افغانستان د بیا رغونې لپاره د امریکا مفتش وايي، افغان حکومت له ګلبدین حکمتیار سره د سولې هوکړه لاسلیک کړه، دغه ډلې له جګړو لاس واخیست خو دغه هوکړې د سولې پر بهیر قطعي اغېز نه دی کړی. په راپور کې راځي، ټول لوړپوړي افغان چارواکي د ولسمشر غني په ګډون په دې باور و، چې که ګلبدین حکمتیار سوله وکړي، نو ښايي نورې وسله والې ډلې هم دده په شان سولې او مذاکراتو ته زړه ښه کړي، خو دغه هوکړې د سولې پر بهیر او سولې ته نورو ډلو په هڅولو کې مثبت اغېز نه دی کړی. سیګار د امریکا د بهرنیو چارو د وزارت له قوله یادې څرګندونې کړې دي. دغه وزارت ویلي، سره له دې چې د حکمتیار راتګ د سولې پر بهیر اغېز نه دی کړی، خو د سولې له پروسې سره ددغه ګوند یو ځای کېدل مهم ګام و او دوی په ښه سترګه ورته ګوري.

Categories: خبرونه

Tags:

خپل نظر ولیکۍ

Your email address will not be published.