د فېسبوک جوړونکي مارک زوکربرګ ته میلیاردونه ډالر تاوان رسېدلی / دعوت میډیا ۲۴

دعوت میډیا ۲۴ (شنبه، ۶ زمری، ۱۳۹۷ل): د نړۍ تر ټولو سترې مشهوې ټولنیزې رسنۍ مشر مارک زوکربرګ په څو دقیقو کې له ۱۶ ملیارده ډالره تاوان سره مخ شوی دی. راپورونه زیاتوي چې د فیسبوک په درې میاشتني راپور کې ویل شوي چې د کاروونکو په شمېر کې کموالی او عواید د اټکل نه کمېدل دوی ته ۱۴۸ ملیارده تاوان اړولی دی. خو له دې زیات تاوان د فیسبوک مشر مارک زوکربرګ شتمنۍ ته اووښتی چې د راپور راتلو نه څو دقیقې وروسته یې ۱۶.۸ میلیارده ډالر لاسه ورکړل. د فیسبوک په استعمال کې له چهارشنبې څخه تر پنجشنبې پورې ۲۴ سلنه کموالی راغلی چې له امله یې زوکربرګ -څوک چې د نړۍ یو له سترو شتمنو کسانو څخه دی- په لیست کې درې درجې ښکته شوی دی. د نړۍ تر ټولو سترو شتمنو کسانو په لیست کې څو ورځې وړاندې مارک زوکر برګ د ۸۶.۵ ملیارده ډالرو لرلو مالک و، مګر په دوو ورځو کې دغه شتمني له۷۰ ملیارده ډالرو څخه هم ښکته شوه چې د درېیم شتمن کس ویاړ شپږم ته ښکته شو. دا د امریکې په تاریخ کې لومړی ځل دی چې کوم شرکت ته یوازې یوه ورځ کې د ۱۰۰ ملیارده ډالرو تاوان رسیږي، که دې شرکت ته مالي تاوان دومره د اهمیت وړ نه وي خو په لویه کچه کاروونکي له لاسه ورکول دغه شرکت له ستر ګواښ سره مخ کوي. شنونکي په دې باوري دي چې د فیسبوک په اړه نویو شخړو ددې کچه په ټولنیزو رسنیو کې کمه کړې ده، او ددوی د مینې کموالي فیسبوک پخپلو پریکړو بیا کتنې ته اړ کړی دی. د یادونې وړ ده چې تېر کال پر فیسبوک د امریکې په ټاکنو کې د کاروونکو معلوماتو استعمالولو تور لګېدلی و چې له کبله یې یو شمېر کاروونکي فیسبوک پريښودو ته اړ شوي ول.

Categories: خبرونه