ایران: له هرې ممکنې لارې له افغانستان د اوبو حق اخلو

ایران وايي د اوبو په برخه کې له افغانستان د خپل حق اخیستو لپاره له ټولو وسیلو کار اخلي. د ایران د بهرنیو چارو وزیر جواد ظریف ددغه هېواد له دولتي تلویزیون سره په خبرو کې ویلي، د هلمند د اوبو موضوع ایران ته ډېره مهمه ده او تقریبا هره اونۍ پر دې مسئله بحثونه روان وي. هغه ویلي د ایران د بهرنیو چارو وزارت په دې لټه کې دی چې دغه ستونزه حل کړي خو دایمي حل یې یوې جامع هوکړې ته اړتیا لري چې دا کار به ډېر وخت واخلي. هغه د یوې پوښتنې په ځواب کې ویلي، چې دوی به له ټولو لارو چارو وسیلو او حربو کار واخلي څو وکړی شي له افغانستان خپل حق ترلاسه کړي. نوموړي دا حربې نه دي په ګوته کړې خو ایران د افغانستان په جنوبي ولایتونو کې د طالبانو ملاتړی بلل کېږي. ویل کېږي چې په جنوبي کې د اوبو او برېښنا ټولې پروژې د ایران په اشاره تهدېدېږي. تر دې وړاندې هم ایران د افغانستان د اوبو په اړه داسې څرګندونې کړې وې خو افغان حکومت وايي په دې برخه کې د اروا ښاد موسی شفیق هوکړې ته ژمن دي او عملي کوي یې.

Categories: خبرونه

خپل نظر ولیکۍ

Your email address will not be published.