اقتصاد وزارت: د لوستو اوزګارو ځوانانو شمېر په لوړېدو دی



د اقتصاد وزارت وايي، د هېواد په څه باندې ۲ میلیونو اوزګارو کې شااوخوا نیمايي یې هغه ځوانان دي چې منځنۍ، نیمه لوړې او یا لوړې زده کړې لري. دا وزارت وايي، په هېواد کې د باسوادو اوزګارو ځوانانو شمېر شااوخوا یو میلیون ته رسېږي. د دغه وزارت چارواکي وايي، سره له دې چې په هېواد کې د ناوړه امنیتي وضعیت له امله د بېکارۍ کچه لوړه شوې، خو د باسواده ځوانانو اوزګارتیا د اندېښنې وړ ده. د دغه وزارت ویاند سهراب بهمن وايي، چې څه باندې ۲،۵ میلیونه کسان اوزګار دي چې د دغو نیمایي یا ۴۵ سلنه هغه کسان دي چې له دولسمو ټولګیو او یا له پوهنتونونو فارغ شوي او پاتې یې هغه کسان دي چې څه ناڅه مهارتونه لري او د ورځې مزدوري کوي. یوازې د اقتصاد وزارت نه دی چې په هېواد کې د اوزګارو کسانو پر زیاتوالي اندېښنه ښيي، بلکې ګڼو کورنیو او بهرنیو څېړنیزو موسسو هم ویلي چې په افغانستان کې بېکاري په یوې لوېې ستونزې اوښتې ده.

سپوږمۍ رادیو

Categories: خبرونه