د «تاسې پوهېدئ؟!» کتاب چاپ شو

0 89

دغه کتاب چې د «دانش خپرندویه ټولنې» لخوا تازه چاپ شوی دی، ډېر ګټور او خوندور عمومي معلومات لري. د کتاب ژباړونکي او لیکوال انجنير اجمل روهي په دې برخه کې خورا زیار ایستلی او له ډېرو رازـ راز سرچينو يې دغه معلومات چاڼ او ژباړلي دي.

ښاغلی اجمل روهي د کتاب په هکله ليکلي: «د دې کتاب د معلوماتو په راغوڼولو کې زیاتره د انګریزي، جرمني، روسي، پښتو او پاړسي ژبو انټرنيټي وېبپاڼو څخه استفاده شوې ده. هغه معلومات چې شکمن او ډېر کره نه ښکاریدل په نورو سرچينو کې هم چک شوي…د دې کتاب يوه ښه ځانګړتیا دا ده، چې د ښوونځي د متوسطې له زده کوونکو نېولې تر لوړو زده کړو خاوندانو پورې، ټولو ته به ګټور او په زړه پورې اوسي.‎»

دغه کتاب د عمومي معلوماتو ډېټا بانک ته ورته یو کتاب دی، چې د دې لاندې موضوعات په هکله څپرکي لري:

  • مهم او په زړه پورې اسلامي معلومات
  • د نړۍ تر ټولو اغېزناکه او نامتو شخصیتونه
  • له ځانه خبر يئ؟ (د انسان د بدن جوړښت)
  • د مېرمنو له وړتیاوو او ځانګړتیاوو خبر يئ؟
  • د ژوو (حیواناتو) په هکله په زړه پورې معلومات
  • د غذايي توکو په هکله اړين او ګټور معلومات
  • د هېوادونو او ځایونو په هکله هېښونکي معلومات
  • د نړۍ د تاریخ تر ټول خونړۍ او عجيبه جګړې
  • تر ټولو مخکې یا لومړني او د اختراعاتو په هکله
  • عجیب، حیرانونکي او له تصوره پورته واقعیتونه

Comments
Loading...