د محمد علي شهرت یوازې دا نه دی/ خوشال خلیل

0 392

د محمد علي شهرت یوازې دا نه دی چې د نړۍ ستر افسانوي سوک وهونکی و، چې بیا وروسته مسلمان شو، محمد علي هغه څوک و، چې د مدني نافرمانۍ له لارې یې د جنګ په ضد اعتراض وکړ او بیا یې په امریکې کې د نژادي او مذهبي اقلیتونو سره د تبعیض په ضد غږ پورته کړ. هغه د مذهبۍ آزادۍ او نژادي برابرۍ په برخه کې یو فعال و، هغه سره چې کله د تور پوستکي له امله توپيري چلند وشو، هغه مډالونه یې چې امریکې ته ګټلي و، سمندر ته ګزار کړل او له مارتین لوتر کینګ سره یو ځای شو او د هغه له خوا پيل شوي مدني اعتراضونو ته یې نوې سا ورکړه. دغه ټولې خبرې سره یو ځای شوې او هغه یې په یو نړيوال شخصیت بدل کړ چې اکثریت خلک ورته درناوی لري. زه د بوکس د یو مینه وال په توګه اوس هم د هغه د ځوانۍ د وخت د سوک وهنې فلمونه په یو ټیوب ګورم، هغه به لکه مچۍ په خپل حریف پورې نښته تر هغو چې له پښو به یې وغورځاوه.
نن د 74کالو په عمر وفات شو اروا یې ښاده او یاد يې تازه
ښه خو دا چې د چا نوم په کې یادیږي
په فاني دنیا به نه وي ژوندی تل څوک
(خوشال خټک)

Leave A Reply

Your email address will not be published.