د هلک که د نجلۍ زېږېدل؟ دا ټاکنه د پلار جينونه کوي

0 133

د نارينه جينونه دا کردار ادا کوي چې زېږېدونکی ماشوم به هلک وي او که نجلۍ. دا دعوه په يوه نوې څېړنه کې شوې ده، چې تر ۵۰۰ زره زياتو کسانو له معلوماتو ترلاسه شوې ده.

دغه څېړنه چې په نيو کيسل پوهنتون کې ترسره شوې ده، پکې ويل شوي دي چې په کورنيو کې د ډېرو نجونو يا هلکانو زېږېدل يو ميراثي خبره ده چې نارينه و ته انتقالېږي او ټول کار يې جينونه ترسره کوي.

په اسانو ټکو کې داسې ويلی شو، چې هغه سړی چې وروڼه يې زيات وي، د هغه به هلکان ډېر پېدا کېږي او که د کوم سړي خويندې ډېرې وي، نو د Image result for boy or girl"هغه به لوڼه ډېرې پېدا کېږي.

په دغه څېړنه کې ويل شوي دي، چې دا يو ميراثي کار دی چې نارينه و ته انتقالېږي.

په دغه څېړنه کې د ۹۲۷ کورنيو د ۵۰۰ زره نه زياتو کسانو شجرې کتل شوي دي او معلومات ترې راټول شوي دي. طبي پوهان وايي، چې دوی په دغه څېړنه کې معلومه کړې ده چې د هلک يا نجلۍ د زېږېدو ټوله خبره ميراثي ده، دوی وايي چې موږ په دې ورسېدو چې د کوم سړي وروڼه ډېر وي، نو هلکان يې ډېر کېږي او که يې خويندې ډېرې وي، نو بيا يې لوڼه ډېرې پېدا کېږي.

د يادولو ده چې د زېږېدونکي ماشوم د جنس ټاکل د نارينه و په سپرم پورې تړلې ده، د نارينه په سپرم کې ايکس او وای کروموسوم دي، که چېرته ايکس کروموسوم د د ښځې له ايکس کروموسوم سره يو ځای شي (دوه اېکس کروموسوم) نو بيا نجلۍ پېدا کېږي، خو که د سړي وای کروموسوم د ښځې له ايکس کروموسوم سره يو ځای شي نو بيا هلک پېدا کېږي.

طبي پوهان وايي، چې دا ټوله خبره په دې پوره تړلې ده، چې د نارينه و په سپرم کې کوم کروموسم ډېر دي او ټوله خبره د نارينه په جينونو پورې تړلې ده.

طبي پوهان وايي چې په نارينه و کې يو جين په دوه برخو وېشلی شوی وي، چې ايليل هم ورته ويل کېږي او دا له مور و پلاره بيل بيل ماشوم ته انتقالېږي.

دوی وايي، چې دا هر څه ميراثي دي، جين له پلار نه بچو ته انتقالېږي، نو همدا لامل دی چې د ځينو کسانو په کور کې هلکان ډېر پېدا کېږي او د ځينو په کور کې بيا نجونه.

Comments
Loading...