د الحاد او ملائیت مقابله / مجید قرار

که د الحاد او ملائیت دواړو مقابله غواړئ څلور علوم پالل اړین دي. څلورو واړو یې آسماني دینونه سخت ننګولي دي. لومړی، د ستورپوهنې او اړوندې کوزمولوجي علم دی، دې علم د ځمکې او انسان مرکزیت او دیني تصویر تر سوال لاندې راوستی او د کائناتو، لمر، سپوږمۍ، آسمانونو او ستورو په اړه یې دیني تصورات ننګولي دي.
دوهم، د بیالوژي علم دی، دې علم د انسان خلقت او د خلقت داستان یې تر سوال لاندې راوستی.
درېیم د انټراپولوژي یا انسان پېژندنې علم دی چې د انساني پراختیا تاریخ او وده یې د تاریخ او انساني تمدن د پرمختګ له نظره له دینونو یو څه بدله تشریح کړې ده. څلورم یې د فلسفې علم دی چې د انسان اساسي پوښتنو، (یعنې دا چې موږ
څوک یو، له کومه راغلي یو، ولې راغلي یو؟ او چېرته ځو؟ ) ته پرې د بدیلو ځوابونو د موندنې هڅه کېږي.
کله چې زه وایم دینونه یې ننګولي، مانا یې دا نه ده چې العیاذ بالله دینونه یې باطل کړي دي. مانا یې دا ده چې ننني آخوندان یې له ځواب ورکولو عاجز کړي دي، او د دوی جهالت په دین تاوانېږي. دوی یې ځکه ځواب نشي ویلای چې د علم زده کړه خو څه چې دښمني کوي. همدا خبره ده چې خلک په سپوږمۍ کې ګرځي او موږ ورته ژاړو.

Categories: له فیسبوک څخه,مجید قرار

Tags: