افغان پاکستاني جاسوسان په کابل کې/هلمند پردیس

0 878
د پاکستان استخباراتي اداره (ای،ایس،ای) د افغان حکومت په کور دننه په لویه کچه جاسوسان لري،‌چې د پاکستان استخباراتي ادارې ته کار کوي، دغه جاسوسان د حکومت په چوکاټ کې له وزیر،‌وکیل، نیولي تر عادي کسانو پورې دوی استخدام کړي دي، او د پنجاب ګټو لپاره استحباراتي مالومات کشف او د ترهګرو تر هدف رسولو کې ورسره مرسته کوي.
حتا په کابل کې په ښکاره جاسوسې رسنۍ او تبلیغاتي مدني کارمندان هم لری،‌چې درګرده په سوشل میډیا کې ورته په ډاډه زړه تبلیغات کوي، او پر افغانانو د تکفیر ټاپې لګوي.
 ولسمشر غني ته په کار ده، چې د افغانستان ملي امنیت اداره قوي او نوی تحولات پکې راولي،‌او پر افغان وطن او افغان ولس مین اشخاص د په دغه اداره کې مقرر کړي، تر څو کور دننه جاسوسان پیدا او له پښو یې وغورځوي، کنه دا ځانمرګي،‌او دا مهمات خو څه ستن نه ده، چې یو څوک یې په جیب کې راوړي او انفجار د ورکړي،‌ او د کابل په زړه کې د افغان ولس وینې وبهوي.
کچیرې افغان دولت د کور دننه جاسوسان پیدا او له پښو یې وغورځوي، نو د دې امکان ډیر دی، چې پاکستان به په  خپله بې رحمه پالیسۍ(افغان وژنه) څخه لاس په سر شي،‌او پر یوه بله لاره  به کار وکړي،‌چې یا به د سولې لار وي.
 او یا به د هندوستان سره په هند کې د دوښمنۍ سیالي شروع کوي،‌.
اوس ورته تر ټول د افغانستان دننه دغه جګړه اسانه، ارزانه او مهمه ده، ځکه دوی په ډیر ډاډه زړه سره دافغانستان دننه  په هر برخه کې خپله جکړه  په اسانۍ سره پر مخ بیولی شي.
موږ  د ولسمشر غني څخه دا هیله لرو،‌چې په دغه برخه کې عاجل او کوټلی ګامونه واخلي،‌تر څو د افغان ولس وینی نوره داسې په ارزانه و نه بهیږي.
د افغان دولت د بدلون په هیله.
Comments
Loading...