د مکتب یا پوهنتون د آزموینو لپاره په کوم ډول آماده ګي باید ونیول شي، تر څو په ښو نُمرو بریالي شئ،؟/سرور ستانکزی

0 311

اول. د مطالعې لپاره ستراتیژي باید جوړه کړئ: د اکثره ځوانانو لویه ستونزه دا ده چی همیش د نن ورځې درس سبا او سبا څخه یئ بلې ورځې په هیله پریږدي آخر امتحانونه رانږدې او هر څه ورڅخه پاته وي. نو هڅه وکړۍ چی له امتحان ځنې مخکې د خپلو درسونو طبقه بندي وکړئ او د کتاب د هرې صفحې او یا د مشخص درس لپاره ورځې وټاکئ.
دوهم: هڅه وکړئ چی له خپلو زده کړو سره هره ورځ لږ ورزش وکړئ، که د بدن جوړونې، کراټې یا کوم بل ډول ورزش کلب نږدې نه وي، هره ورځ پخپله له لسو څخه تر شل دقیقو منډه ووهئ، دا تاسو سره د مغز په تازه او ښه پاته کېدلو کې ډېره مرسته کوي تر څو دوامداره مطالعه وکړای شئ.
دریم. خپل ځان څخه آزموینه واخلۍ؛ تاسو اکثره وخت شاید د آزموینې پر وخت د سوال له هېریدلو سره مخ شوي یاست، د دغې ستونزې د حل لپاره باید له آزموینې مخکې د پخوانیو امتحانونو سوالونه پیدا او تمرین ورسره وکړئ.
څلورم. هڅه وکړئ چی همیش د خپلې آزموینې د نتیجې په هکله مثبت فکر وکړئ، دا ټولو ته څرګنده ده چی زده کړې کول آسانه هم ندي، خو هغه انرژي چی په منفي فکر مصرف کوئ، باید پر دې فکر وشي چی کوم ډول خپل هدف ته ځان ورسوم او په کومه اندازه زیار او انرژي مصرف کړم تر څو پر ښو نُمرو بریالی شم.
پنځم. درس باید د کیسو پر ډول زده کړئ؛ که فکر مو کړی وي د یوې حادثې یا کیسې دوران له ذهن ځنې زر نه ؤوځي، تاسو هم نوې زده کړه پر مغز کې د کیسو پر ډول ثبت کړئ.

Comments
Loading...