کورونا 

بصیر بیدار ستوری

0 39

هیڅوک په امان نه دي خوره شوي په دنیا ده
راغلي یو اوبا ده چې په نوم د کورونا ده

د چین نه یې اغاز وشو نړۍ ته رسیدلي
ایران کې راخوره شوه اروپا یې ده نیولي
ټرمپ هم په چغو سر دې امریکا یې یرولي
غوغا یې خوره کړي اوس په ټوله اسیا ده
راغلي یو اوبا ده چې په نوم د کورونا ده

دلاس په ورکولو باندې یوبل ته لګیږي
د گڼي ګوڼي ځای کې په اسانه پیدا کیږي
ځوانان مقاومت کړي بوډاګان پکې مړه کیږي
مرض دې لا علاجه ځکه جوړه واویلا ده
راغلي یو وبا ده چې په نوم د کورونا ده

څوک وایې علامې دي د قیامت دابه کیدل
د لوي خدای له عذابه به هيڅوک نه ویریدل
دې ځینوانسانانو به حرام خوړل اوڅښل
همدغه یې د ټولو عملونو بس سزا ده
راغلي یو اوبا ده چې په نوم د کورونا ده

احتياط کول له ګڼې ګوڼې لیرې ځان ساتل دي
لاسونه په صابون باندې څو واره پرېمنځل دي
ماسکونه خپلو پوزو ته حتمي ور اچول دي
احتیاط کول پکار دي او احتیاط ددې دوا ده
راغلي یو اوبا ده چې په نوم د کورونا ده

ټول کینۍ په کورونو کې بهر وتل عذاب دې
علاج ددې اوبا له ګڼي ګوڼي اجتناب دې
یوازي په مونږ نه ده د نړۍ حالت خراب دی
بیدار کړه غاړه خلاصه فیصله یې اوس په تا ده
راغلي یو اوبا ده چې په نوم کورونا ده

Comments
Loading...