غني بابا ته !/مصطفی آرين

0 24

خوب مې ليدو يو سپين غمې له تورو كاڼو لوئيږي
لكه يو غوڅ گلاب پخپل اغزينو څانګو لوئيږي

د كابل ارگ چانه ضمير له چانه ساه اخلي
دا څه بلا په ځينو ، ځينو باچاهانو لوئيږي

لكه غني غوندې مظبوط يو كلك ضمير پكار دى
چې لکه تـنــدر د ولس په دښمنانو لوئيږي

څوك د ملت پر اوگو راغئ اوڅوك بار د اوگو
ستا هره ورځ دمينې سيورې په بچيانو لوئيږي

زما خــــاورينه مــنجاوره قـــلندر اشـرفه !
د زيارت خړ گردونه تل په ملنگانو لوئيږي

د وطن مينه چې د شمعې په طواف ماتوې
د لوگي تور داغونه خود په پتنگانو لوئيږي

دا لڼډغر ماته د لوت دقوم قيصې يادوي
بيا خو د نوح دزړه آزار په منكرانو لوئيږي
آرين

Comments
Loading...