کپل شرما خپله وعده پوره کړه

0 84


د هندوستان مشهور کامیډین کپل شرما د خپل واده ویډیو پر یوټیوب شریکه کړه چې په لېدلو سره یې د خپلو مینه‌والو توجه لا ډېره ځان ته ور اړولې ده.
د روانې ډسمبر میاشتې پر ۱۲مه نوموړي د خپل واده په اړه په ټولنیزو رسنیو یوه کوچنۍ ویډیو هم شریکه کړې وه چې مینه‌والو يې ورته د نوي ژوند مبارکۍ ورکړې وې.
خو په تازه یوه دقیقه او ۱۷ ثانيي ویډیو کې کپل شرما او مېرمن يې ګیني چهاتراتهـ د واده په کالیو کې ډېر ښکلي ښکاري، د دواړو پر خولو د خوښۍ موسکا ده او له خپل نوي ژونده ډېر راضي مالومېږي.
د ویډیو په بګرونډ یا شالېد کې د صوفي میوزیک ملکې عابده پروین په غږ کې خوندوره سندره لګېدلې چې ویډیو لا په زړه پورې کړې ده.
د هندوستان مشهور کامیډین کپل شرما د واده په مراحلو کې خپله پخوانۍ مشهوره خپرونه “کامیډي نایټس وېتهـ کپل” له اوږد ځنډ وروسته بیا پیل کړه چې د ډېرو مشهورو اداکارانو له هرکلي سره مخامخ شوه.

سرخط ورځپاڼه

Comments
Loading...