کپل شرما تازه واده کړې میرمن فلمونو ته راباسی

د هندۍ سېنما مشهور مزاحیه ستوری او د ټلویزیونی خپرونه تکړه چلوونکی کپل شرما خپله نوې واده کړې مېرمنه د فلم نړۍ ته راولی.

کپل شرما څو ورځې وړاندې د ګنیی چهاترات سره واده وکړ، د دوی دواړو تر منځ د یارانې اړیکه له ډېر پخوا څخه وه او د ۲۰۱۸ کال په وروستیو ورځو کې یې دغه اړیکه په واده بدله کړه.

د خپلو خندونکو خبرو او حاضرۍ ځوابۍ له امله کپل شرما زیات مشهور دی او خپرونې یې زیات مینوال لری او همدارنګه د فلم په برخه کې هم ښه مشهور دی، خو اوس یې نیت کړی چې دا ځل به د فلم نړۍ ته خپل نوې واده کړې مېرمن راولی.

د هندوستانۍ رسنیو د رپوټ له مخې، کپل په د خپل پروډکشن (کی۹) چې په واسطه یې پنجابی فلمونه او د ټلویزیون خپرونې وړاندې کوی، ځان مصروف ساتی.

دا چې نوموړی په دې ورځو د خپلې پخوانۍ شو یا ټلویزیونی خپرونې (دې کپل شرما شو) دویم پړاؤ پیلوی او په کې زیات مصروف دی نو نیت لری چې خپلې مېرمنې چهاترات ته د(کی۹) پروډکش چارې وسپاری او د ډائرېکټر په توګه یې د فلم نړۍ ته راولی.

د رپوټونو له مخې، ویل کېږې چې د شرما مېرمن ګینې هم د فلم د جوړولو په تړاؤ معلومات لری او په دغه برخه کې پوهیږی نو کپل هم نه غواړی چې مېرمن دې په کور کېنی.

د معلوماتو له مخې، ګینی به ډېر ژر د هندوستان له جالندهر څخه ممبئی ته ولاړه او د ډائرېکټر په توګه خپل مسؤلیت ته اوږه ورکړی.

ویل کیږی ګینی چهاترات په پنجابی ژبه ښې خبرې کوی او ښه پرې پوهیږی، کپل شرما هم په راتلوونکو څو ورځو کې په پنجابی فلمونو او مزاحیه خپرونو باندې کار پیلوی چې په هندوستان کې به په ځایی ټلویزیونونو ښودل کېږی، مېرمن به یې په دغه پروګرامونو کې د ډائرېکټر په توګه برخه واخلی.

د یادولو وړ ده چې (دی کپل شرما شو) د دویم پړاؤ خپرونې پیل ډېر ښه شوی او زیات مینوال یې پر ځان رامات کړی دی.

Categories: سینما او فلم