کترينه کيف وايي، پر شا نه ګوري

د هندي سېنما مشهوره فلمې ستورې کترينه کيف وايي، نه يې کومې ستونزې ته کله وار خطا شوی دی او نه يې هم کله په تېر عمر پسې ارمان کړی دی.
دا وايي، پرېکړه کوي چې بايد بريالي شي او بيا کله هم پر شا نه ګوري، يوازې مخ ته ځي.

که څه هم تېر کال د کترينه کيف له‌پاره په زړه پورې نه و، ځکه يو خو يې په تېر کال کې د زړه ټوټه رنبير کپور له لاسه ورکړ، بل يې په تېر کال کې په فلمي نړۍ کې هم چندان خوند نه و، خو دا وايي، د دې ټولو په کيسه کې نه ده.

کترينه کيف له يوې هندۍ ټلوېزيوني شبکې سره په خبرو کې ويلي دي، پر تقدير باور لري، څوک چې يې ژوند ته راځي، يا ورڅخه ځي، دا دغه دواړه پېښې د ځان په خير بولي او باور لري چې په همدې کې به يې خير و.

د دې په خبره، ماتې يې نه ده خوړلې، پرېکړه يې کړې چې تر ډېرو کلونو بايد پر هندي سېنما راج وچلوي او همداسې به کېږي، ځکه د دې په خبره، دا شا ته نه ګوري.

سرخط ورځپاڼه

Categories: سینما او فلم