ډېر ډالر چا ګټلي؟

0 67

د امریکا د فوربز په نوم یوې مجلې د هغه اداکارانو نوملړ خپور کړی دی چې سږ کال یې تر نورو ډېرې پیسې ګټلې دي.
په دې نوملړ کې د دې اداکارانو د سېنما عاید تر څنګ له اعلاناتو، شراکت او شخصي کاروباره د هغوی د ګټې په اړه مالومات خپاره شوي دي.
دې مجلې لیکلي، د سږ کال په لړ کې تر ټولو ډېرې ۵۶ ميلیونه امریکايي ډالره د هالیووډ سېنما وتلې ستورې سکارليټ جانسن ګټلي او نور یې شاته پرې ایښي دي، ځکه هغې د اوینجرز په نوم سیریال کې په زړه پورې اداکاري کړې ده.
د دې مجلې په دویم نمبر کې بله وتلې امریکايي اداکاره، ماډله او کامیډین صوفیه ورګارا د ۴۴٫۱ ميلیونه ډالرو په ګټلو سره دویم مقام خپل کړی دی.
د ریسي ودرسپون په نوم یوې بلې امریکايي اداکارې، پروډیوسرې او سوداګرې د ۳۵ ميلیونه ډالرو په ګټلو سره د بډایه اداکارانو په درېیم نمبر کې راغلې ده.
اسټرالیايي ادارې د ۳۴ ميلیونه ډالرو په ګټلو سره څلور او د جينیفر انسټن په نوم امریکايي اداکارې د ۲۸ ميلیونه ډالرو په ګټلو سره پنځم مقام تر لاسه کړی دی.
همداسې کیلي کوکو، ایلزبت السن، مارګټ روبي، شارلیز تھرون او ایلن پومپیو په ترتیب سره ۲۵ ميلیونه، ۲۴ ميلیونه، ۲۳.۵ ميلیونه، ۲۳ ميلیونه او ۲۲ ميلیونه ډالره ګټلي دي.

Comments
Loading...