ډیپېکا د ۲۰۱۹ میلادي کال په پیاوړو ښځو کي راغلې ده

0 22

د هند فوربس مجلي د ۲۰۱۹ میلادي کال د پیاوړو خلکو او ښځو یو ۱۰۰ نفریزه لیست خپور کړی دی، د بالیووډ او هالیووډ نوموتي سېنمایي ستورې ډیپېکا پاډکون یوازني هندي ښځه ده چي په همدي لیست کي راغلې ده.

د اي ټایم په نوم يو هندي رسنۍ وايي چي ډیپېکا په (چپک) فلم کي د لکشمي او په (۸۳) فلم کي د رومي رول ښه لوبولو په خاطر په یاد لیست شامله سوي ده. دیپېکا نه یوازي دا چي په بالیووډ کي ښه ځلیدلي ده، د بالیووډ ورهاخوا د هالیووډ په یو شمیر فلمونو لکه (فاسټ اينډ فیرویس) او داسي نور فلمونو کي هم ښه ځلیدلي ده، د هغې ښه اندام په هالیووډ فلمونو کي د ځاي پیداکولو او ښه رول لوبولو لامل بلل سوی دی.

له دي وړاندي هم په یو بل مجله کي يي د ښایسته ښځي لقب په خپل نوم کړي و، دیپېکا د بالیووډ د نوموتي سېنمايي ستوری رنویر سینکهـ سره واده کړي دي.

پاته دي نه وي چي له دې مخکي د بالیووډ یو بله ښکلې او ځوانه سېنمايي ستورې عالیه بټ هم د (فوربس) په یو لیست کي د نړۍ په محبوب ترینه ښځو کي راغلي وه.

Comments
Loading...