په بالیووډ کې تېر کال د خانانو بخت کار نه کاوه

0 106

تېر ۲۰۱۸ کال د هندی سېنما د حکمرانانو شارخ خان، سلمان خان او عامر خان لپاره ډېر ښه ثابت نه‌شو، ځکه په دې کال کې چې دوی کوم فلمونه بازار ته وړاندې کړل، څومره چې تمه کېده په هغه کچه پیسې یې و نه ګټلې.

په ۲۰۱۸ مېلادی کال کې د بالیووډ سېنما وتلی اداکار سلمان خان چې په سلطان هم مشهور دی، د “رییس۳” په نوم فلم تر څنګ یې “دبنګ” هم پر سېنماګانو نندارې ته وړاندې کړ، خو “رییس۳” یوازې ۱۵۰ کروړه هندۍ کلدارې وګټلې چې په دې سره دا فلم نه یوازې د چا خوښ نه‌شو، بلکې د هندی سېنما د شنوونکیو له لوری هم له نیوکو سره مخامخ شو.

د بالیووډ سینما د بل وتلی ستوری عامر خان “ټهګ اف هندوستان” فلم هم په دې کال کې چې څومره تمه کېده، و نه ځلېده، ځکه په دې فلم نږدې ۳۲۵ کروړه هندۍ کلدارۍ لګېدلې وې، خو بېرته یې ټولې۱۵۰ کروړه پیدا کړې.

همداراز، د دې کال په وروستیو اوونیو کې د بل وتلی خان، شارخ خان “زیرو” فلم هم بازار ته راووت، خو په ۲۰۰ کروړه هندۍ کلدارو جوړ شوی فلم یې یوه اوونۍ وروسته یوازې ۱۰۰ کروړه وګټلې چې په دې سره ۲۰۱۸ مېلادی کال د هندی سېنما درې واړو خانانو ته ډېر ښه ثابت نه‌شو.

Comments
Loading...