شارخ‌خان پاکستان ته مېلیونونه پیسې انتقال کړې

0 420

د بالیووډ فلمونو وتلی اداکار شارخ‌خان یو ځل بیا د هندي افراطیانو له لورې تر نیوکې لاندې راغلی او په ټولنیزو رسنیو کې يې انځورونه په دې خاطر ښکته پورته کېږي چې ګواکې پاکستان ته يې کروړونه پیسې انتقال کړي دي.
په ټولنیزو رسنیو کې د هندي افراطیانو له لورې د شارخ‌خان هغه ویډیو ډېره لاس په لاس کېږي چې په ۲۰۱۷ کال کې د بهاولپور ټانکر برید وروسته ده له قربانیانو سره د مرستې په هدف پاکستان ته ۴۵ کروړه هندي کلدارې استولې وې.
دا نیوکه کوونکي زیاتوي، شارخ خان ولې په هندي کشمیر کې د پلوامې خونړي برید له قربانیانو سره مرسته نه ‌کوي چې په یو بل هېواد کې له نورو سره مرسته کوي.
دوی همدا راز وايي، امیتابهـ بچن او سلمان‌خان د دې برید په اړه سم دستي غبرګونونه څرګند کړل، خو شارخ‌خان تر دې دمه د برید په اړه د خواخوږې هيڅ پیغام نه‌ دی څرګند کړی.
منتقدین وايي، که د شارخ د فلمونو کتل دوی بند کړي، خان پاکستان ته ۴۵ کروړه څه چې د ۴۵ روپیو وس هم نه ‌لري، خو په ورته وخت کې يې پلویانو د شارخ‌خان هغه پخوانۍ ویډیو هم نشر کړې چې دی د ترهګري پر وړاندې څرګندونې کوي.

سرخط ورځپاڼه

Comments
Loading...