سوناکشي بل کمال هم لري

0 630

د سوناکشي سینها کورنۍ او ملګري وايي، هغې له دوی سره هيڅ وخت د هندي سېنما د وتلې ستورې په حیث چلند نه ‌دی او په وینا یې تل یې له دوی سره د یوې عادي نجلۍ په څېر رویه کړې ده.
دوی د هغې په اړه چې په ډېر لږ وخت کې به په کلنک فلم کې راښکاره شي وايي، د هغې همدا ښه زړه راښکونکی چلند هغه په دې سېنما کې لوړ پوړ ته رسولې ده.
هغې له هندي رسنیو سره په خبرو کې د دې پوښتنې په ځواب کې چې ولې یې تل خوله له خندا ډکه وي، ویلي له خپل مسلک سره د لېونتوب تر کچې مینه لري او په هر فلم کې ډېره هڅه کوي چې د خلکو او مینه‌والو د خوښې وړ تمثیل وکړي.
هغه په خپله رویه هم اعتراف کوي او وايي، هيڅکله یې له خپلو مینه‌والو سره د بالیووډ د ستورې غوندې چلند نه‌ دی او په وینا یې که هغه یې مور و پلار، وروڼه او د ماشومتوب ملګري دي، دوی یې لکه د هماغې پخوانۍ سونا په نوم پېژني.
له سلمان خان سره په دبنګ فلمونو کې دا مشهوره ستورې وايي، په کلنک فلم کې به د ۱۹۴۰ زمانې د منګل په نوم ماموریت کې د یوې ساینس‌پوهې ښځې په څېر رول لوبوي. 

Comments
Loading...