سلمان خان بیا چا ته ګوتمۍ ډالۍ کړې

0 177

د باولیووډ سلطان خپلې نوې ملګرې ته د ګوتمۍ ډالۍ په ورکولو سره یو ځل بیا د خبرونو سرټکی شوی دی او د دې تر څنګ د هغه ۲۵ کلنه پخوانۍ پېښه یو ځل بیا را تازه شوه.

له ننه ۲۵ کله مخکې په ۱۹۹۴ مېلادي کال کې د هندي سېنما وتلي ستوري سلمان خان او د دې سېنما پخوانۍ مشهورې ستورې سنګیتا بجلاني د واده پرېکړه دې حد ته رسېدلې وه چې کارتونه یې هم چاپ شول.

د دې جوړې په واده د سلمان خان پلار سلیم خان او د هغه مور هم په دې واده ډېر زیات خوښ وو او د واده بلنلیکونه هم چاپ شوي وو، خو په دې مهال کې یو ځل سنګیتا بجلاني پر سلمان خان د بې‌وفا تور پورې کړ او له هغه سره یې د واده انکار وکړ.

بجلاني سلمان‌ خان په دې تورن کړ چې پاکستانۍ نژادې بالیووډ اداکارې سومي علي سره د مینې اړیکې لري، په همدې اړه یې ورته د بې‌وفا خطاب وکړ او وروسته مالومه هم شوه چې د بجلاني تور رښتیا و.

سنګیتا بجلاني هغه وخت وویل، له سلمان ‌خان سره واده کول څه چې په وینا یې په ملګرتیا کولو هم نه ارزي او له دې پېښې وروسته سلمان خان له هيڅ نجلۍ سره د مینې تار نه و غځولی.

خو اوس به وخت مالومه کړي چې سلمان خان له خپلې نوې ملګرې لولیا وانتر سره د هغه د واده ډول غږول کېږي او که نه‌.

Comments
Loading...