د کترينې مينه به سلمان‌خان خپل کړي

0 59

د بالیووډ سېنما وتلې فلمي ستورې کترینا کیف د دې سېنما مشهور ستوري سلمان‌خان په اړه په تازه څرګندونو کې وايي، هغه یو ښه ملګری دی.
د هندي سېنما دې وتلیو ستوریو چې له ډېرې مودې را په دې خوا یې په ډېرو مشهورو او کامیابو فلمونو کې رول لوبولی، په دې سېنما کې ځانګړی نوم پیدا کړی دی.
هندي رسنیو د کترینه کیف د تازه څرګندونو په اړه زیاته کړې، سلمان‌خان چې ورسره وي او د یوه ملګري په حیث یې له کلونو راهیسې ورنه ملاتړ کړی دی.
دې ستوریو له یوه بل سره ډېر کامیاب فلمونه هم نندارې ته وړاندې کړي چې مشهور یې ټایګر زنده هی، ایک تها ټائیګر او په اوس وخت کې ریلیز کېدونکی فلم بهارت شامل دی چې ډېر زیات بریالی فلم بلل شوی دی.
کترینه کیف زیاته کړې، سلمان خان یو داسې کس دی چې پوره باور پرې کېدلای شي او په وینا یې له فکري پلوه د دواړو تر منځ اړیکه هم د اعتبار وړ ده او وايي، سلمان خان یې د ژوند غوره ملګری دی.
کترینه کیف چې له سلمان‌خان سره ښايي واده هم وکړي، وايي، کله چې د ژوند له سختیو سره مخ شي؛ نو سلمان‌خان وسره خورا مرسته کوي.

Comments
Loading...