د مودي پر ژوند فلم ټرېلر خپور شو

0 62

د هندوستان د لومړي وزیر نرېندرا مودي پر ژوند د جوړ شوي فلم لومړۍ ویډیو خپره شوه چې نريندرا مودي پاکستان ته وايي، که مو بيا په موږ لاسونه پورته کړل؛ نو لاسونه به در پرې کړو.
دغه فلم چې «پي‌اېم نريندرا مودي» نومېږي لومړۍ ويډيو يا ټرېلر يې په يوټوب خپور شوى دى چې په لږ وخت کې ډېرو خلکو خوښ کړى او ټاکل شوی چې د روان کال د اپرېل په پنځمه نېټه به د هند په ګډون په نوره نړۍ کې هم نندارې ته وړاندې شي.
په دې فلم کې د هند د لومړي وزير نريندرا مودي د ژوند کيسه ښوول شوې ده چې څنګه یو چاى خرڅوونکي د هند لومړي وزير شو. په فلم کې فلمي نوموتي ستوري وويک اوبراى د نريندرا مودي کردار لوبولى دى.
دا فلم اومنګ کمار جوړ کړى دى چې د وويک اوبراى سربېره بومن ايراني، منوج جوشي، درشن کمار، پرشانت ناراين، زرينه وهاب او برکا بيشت سنګ ګوپتا هم کار کړى دى.

Comments
Loading...