د ماهرې يو بل خواخوږی را ميدان ته شو

په هند کې له پاکستانۍ فلمي ستورې ماهره خان سره د هندیانو له رویې به خبر شوي یاست، سرخط کې مو درته خپاره کړي و.
هغه مهال پرې نه یوازې پاکستانیانو تند غبرګون وښود، بلکې په بالیووډ کې هم ورسره شوی چلند سخت وغندل شو، خو پوهېږئ چې د ريیس فلم جوړوونکی راهول ډهولکیا اوس له خوبه را ويښ شوی او د خپلې کارکوونکې په اړه یې یو نظر ورکړی دی.

راهول ډهولکیا له رسنیو سره په خبرو کې ویلي، هندیانو چې کومه رویه له ماهره خان سره وکړه، څوک یې له خپل دښمن سره هم نه کوي.
هغه زیاته کړې، دا یو ښه کار نه و او هندیانو نه باید د یوې نجلۍ په حق کې داسې یو عمل کړی وای.
راهول وايي، ماهره د هندیانو دښمنه نه وه او نه ده، بلکې یوه ستورې او هنرمنده ده.

وروسته له هغه چې په کشمیر کې یو شمېر هندي پوځیان ووژل شول، هندي حکومت پاکستان په دې پېښه کې په لاس لرلو تورن کړ.
هماغه و چې هندیانو ماهره خان ته اجازه ور نه کړه چې په هند کې پاتې شي او حتا د خپل فلم د پروموشن له‌پاره یې هم پرې‌نه‌ښوده.

سرخط ورځپاڼه

Categories: سینما او فلم

خپل نظر ولیکۍ

Your email address will not be published.