د سلمان خان ۲۱کلنه قضيه

سرخط

0 46

څو کاله وړاندې خو به مو د هندي سېنما د وتلي ستوري سلمان‌ خان د هوسۍ وژلو په تړاو د هغه دوسیه اورېدلې وي، د هوسۍ وژلو په تړاو هغه ته ۲۱ کاله وروسته هم د مرګ ګواښوونه کېږي.
د هندي رسنیو د مالوماتو له مخې، پر فېسبوک د محصلانو له یوې فېسبوک‌پاڼې هغه ته ګواښوونه شوي چې له قانونه پورته نه ‌دی او په دې قضیه کې به حتماً یوه ورځ ووژل شي.
پر فېسبوک د هغه پر انځور سرې کرښې را کښل شوي او ورسره لیکل شوي، سلمان خانه ته فکر کوې چې د هند له قانونه هم لوړ یې، خو بشنويي برادري او سوپو پارټي به تاته حتماً د مرګ سزا درکړي، ته د سوپو محکمې ته مجرم یې.
په ورته وخت کې د راجستان یوې محکمې د هوسۍ د ښکار په قضیه کې د نه حاضرېدو له امله اخطار ورکړی او ویلي يې دي چې که هغه دا ځل حاضر نه ‌شي، ضمانت به یې منسوخ شي.
دا په داسې حال کې ده چې د هندي سېنما دا وتلي ستوري ۲۱ کاله وړاندې په راجستان کې د یوه فلم انځور اخيستلو پر مهال د دوو هوسیو د ښکار په تور پرې په ډېرو محکمو کې قضیې ثبت شوې وي، ځکه د دې ایالت کسان د هوسیو ښکار خورا بد ګڼي.

 

Comments
Loading...