د «بهارت» فلم نوي ریکارډونه

0 47

د بهارت په نوم د هندي سېنما وتلیو ستوریو سلمان‌ خان او کترینه کیف تازه فلم چې د اختر په ورځو کې پر سېنماګانو نندارې ته وړاندې شو وار له مخه یې څو ریکارډونه جوړ کړل.
د علي عباس ظفر په لارښوونه دې فلم په بالیووډ سېنما کې د سلمان‌ خان یو تر ټولو ډېر ګټور فلم وبلل شو، ځکه په لومړۍ ورځ یې ۴۲٫۳ کروړه روپۍ وګټلې په داسې حال کې په ۲۰۱۵ مېلادي کال کې د سلمان ‌خان «پرېم ردن دن پایو» فلم په یوه ورځ کې ۴۰٫۳۵ کروړه ګټلې وې.
په دې فلم ۱۰۰ کروړه بودیجه لګول شوې ده، خو په ۲۰۱۹ مېلادي کال کې په بالیووډ کې یو تر ټولو ډېر ګټیالی فلم وبلل شو او په دې سره د «کلنک» په نوم فلم شاته کړ چې ۲۱٫۶ کروړه روپۍ یې په لومړۍ ورځ ګټلې وې.
د دې ریکارډونو تر څنګ «بهارت» په اختر ورځو کې د سلمان‌ خان یو تر ټولو ګټالی فلم وبلل شو، ځکه په ۲۰۱۶ مېلادي کال اختر کې د هغه سلطان فلم په لومړۍ ورځ یوازې ۳۶٫۵۴ کروړه ګټلې وې.
د «بهارت» فلم د سلمان‌ خان او کترینه کیف هغه ګډ فلم شو چې تر نورو یې ډېرې پیسې وګټلې، ځکه په ۲۰۱۷ مېلادي کال د دوی «ټایګر زنده‌ هی» ګډ فلم په لومړۍ ورځ یوازې ۳۴٫۱۰ کروړه روپۍ ګټلې وې.
په هندي سېنما کې د عامر خان «ټهګ اف هندوستان» او د شارخ‌ خان «هپي نیو ایر» فلمونو وروسته درېیم فلم شو چې تر ټولو ډېرې پیسې یې وګټلې.

Comments
Loading...