د بالیووډ سږني غوره فلمونه

0 45

تاسې ته مو انفرادي د ډېرو هندي فلمونو په اړه مالومات در کړل چې په کور دننه او بهر څومره ځلېدلي، خو نن درته د بالیووډ د سږ کال غوره فلمونو په اړه مالومات درکوو چې څومره پیسې یې ګټلي دي.
سږ کال د هندي سېنما تر ټولو وتلی فلم د «یوري؛ ده سرجیکل سټرایک» په نوم فلم دی چې د روان کال د جنوري په ۱۱ نندارې ته وړاندې و او ټولټال یې ۲۴۵ کروړه پیسې وګټلې.
دې پسې د «بهارت» په نوم د دې سېنما وتلي ستوري سلمان‌خان فلم دی چې د جون په پنځمه د سېنماګانو پر پردو راښکاره شو او تر دې مهاله یې ۲۱۱ کروړه پیسې ګټلې دي.
همدا راز، د «مېشن منګل» په نوم د اکشي کومار فلم دی چې یوازې په ۱۲ ورځو کې یې ۱۶۹ کروړه هندۍ کلدارې وګټلې او لا پر مخ روان دی او په ورته وخت کې د «کیساري» په نوم هغه بل فلم له ۱۵۰ کروړو ډېرې پیسې وګټلې.
ورته مهال د «ګلي بوای» په نوم د بالیووډ سېنما وتلیو اداکارانو رنویر سېنګهـ او عالیه بهټ فلم هم له ۱۴۰ کروړو ډېرې پیسې وګټلې.

Comments
Loading...