ابهیشیک د مور پر ځای له مېرمنې ایشوریا ډېر ډارېږي

0 147

د بالیووډ شهنشاه امیتابچن لور شوتیا بچن نندا د خپل ورور یو پټ راز بیان کړ. هغه وايي، ورور یې بهیشیک بچن د مور پرځای له خپلې مېرمنې ایشوریا رای ډېر وېرېږي.
د وتلي اداکار ابهیشیک بچن خور شوینا نندا د خپل ورور له دې رازه د بالیووډ فلمونو لارښود او پروډیوسر کرن جوهر “کافي ود کرن” په خپرونه کې پرده پورته کړه.
د دې خپرونې د شپږم فصل یوه پرومو چې ټولنیزو رسنیو کې ښکته پورته کېږي، کرن جوهر له ابهیشیک بچن نه پوښتنه کوي چې له خپلې مور ډېر ډارېږي که له مېرمنې؟ ابهیشیک ورته په ځواب کې وايي چې له خپلې مور جیا بچن ډېر وېرېږي.
خو خور یې شویتا نندا سمدستي له دې پټ رازه پرده پورته کوي او وايي چې ابهیشیک له ایشوریا رای ډېر وېرېږي. د شوتیا له دې حقیقت بیانولو سره سم ابهیشیک حیرانېږي، له خپلې خور ناخوښي څرګندوي او وايي چې سوال يې له ده کړی دی؛ نو تا ته مناسبه نه وه چې ځواب ورکړې.

سرخط ورځپاڼه

Comments
Loading...