Audi خپل نوی موټر بازار ته وړاندې کړ

0 367

د Audi په نامه د موټرو مشهورې کمپنۍ خپل نوی موټر بازار ته وړاندې کړی دی او ويلي يې دي چې دغه موټر يې تر پخوانيو هغو لا هم ډېر پرمختللی دی.
تر ډېرې اندازې د دغې کمپنۍ موټرونه په ډیپلوماټیکو مرکزونو کې کارول کېږي او د مهمو کسانو د سفر له‌پاره ترې ګټه اخیستل کېږي.

کمپني وايي، دا موټر يې د برېښنايي کلیو پر ځای د خپل سمارټ موبایل په وسیله چلانولای شئ او کولای شئ چې ټول سیسټم یې پر خپل سمارټ فون ور عیار کړئ.

د Audi نوی موټر څلور مهم سیسټمونه هم لري، لکه راډار سینسرز، مخکېنۍ کامره، الټراوساونډ سینسرز او لیزر سکینر چې په زور یې موټر چلوونکی کولای شي چې د خپل چاپیریال هر ډول تصویر په ښه ډول وویني.
دا موټر په ساعت کې ۱۶۰ کیلومټره واټن وهي او همدارنګه یې د تېلو مصرف هم د پخوانیو هغو په پرتله یو څه راکم دی.

دا موټر د پخوانیو ماډلونو په پرتله لږ اوږد هم دی، خو کمپني وايي، سټرينګ یې ډېر نرم دی او کولای شئ چې په اسانه یې يوه او بله خوا تاو کړئ.
له دې سره په خوا کې تر خطر او ټکر مخکې حال درکوي او په دې سربېره، که چپه کېږي، د موټر ټايرونه تر ډېرې اندازې د چپه کېدو مخه خپله نيسي.

سرخط ورځپاڼه

Comments
Loading...