د ای‌فون ۸ له کماله خبر شئ

0 936

د ايپل کمپنۍ ای‌فون اته لا تر اوسه بازار ته نه دی راغلی، مينه‌وال يې په صبري انتظار کوي، خو که يې په دې کمال خبر شئ، تاسې به يې هم راتلو ته ګوتې شمېرئ.
د ټيکنالوجي د برخې يوه ماهر مېل انلاين ته ويلي دي چې د ای‌فون۸ د مخې کامره به تر ټولو موبايلونو قوي وي او د خوند خبره لا دا ده چې دغه کامره به کولای شي چې درې بعدي يا تري‌ډي عکسونه واخلي.

د ده په خبره، د موبايل کامره به د عکس اخيستونکي څېرې ته ای‌ار‌لايټ سيګنلونه ورلېږي، هغه چې پر څېره ولګېږي، د څېرې لوړې ژورې، شاوخوا پر هرڅه تر لګېدو وروسته به بېرته کامرې ته راپور ورکوي او کامره به د تر لاسه شويو زاويو په اساس، د عکس اخيستونکي درې بعدي عکس اخلي.

تر دې لا ښه خبره دا ده چې تاسې کولائ شئ بيا د موبايل ګېم کولو پر مهال د لوبې د لوبغاړو پر ځای خپل مخونه ولګوي.
يوه بل کمال يې دا دی چې دغه موبايل به ستاسې سترګې پېژني، چې ستاسې سترګو ته وګوري درته خلاصېږي به، که تاسې نه ياست، هيڅوک يې نه شي خلاصولای.

سرخط ورځپاڼه

Leave A Reply

Your email address will not be published.