نور به نو د موبایل د چارچ به کیسه کې نه ياست

0 141

انرجایزر شرکت داسې یو نوی ټیلیفون جوړ کړی چې بېټرۍ یې تر بیا چارجولو پورې ان تر ۵۰ ورځو پورې کار کولای شي.
خو دا ټيليفون ډېر نری او نرم نه دی چې د ټکنالوژي مینه‌والو د ځیرکو ټيليفونونو نړۍ کې د «چاغ هلک» نوم ورکړی، دا ځکه چې د نورو موبایلونو په پرتله پیړ دی.
د دغه ټيليفون جوړوونکي شرکت وايي، مخکې له دې چې چارج یې ختم شي، کارن تر دوو پرله‌پسې ورځو په دغه ټيليفون کې ويډیوګانېکتلای شي، ۱۰۰ ساعته سندرې اورېدلای شي.
دا ټيليفون د ۲۰۱۹ کال د ګرځنده موبايلونو نړیوال کانګرس چې اسپانیا کې جوړ شوی و، د کنفرانس د پا م وړ مهم ټکی ګرځېدلی و او دغه شرکت دا موبایل اعلان کړ.
د انرجایزر سوداګریزې نښې له کبله، ځینې داسې انګېري چې د موبايل تر پوښ لاندې شاید بل څه وي چې تر دومره ډېره وخته چارج ساتلای شي.
ځینې باور لري چې دا موبا يل د دې باوري کولو هڅه ده چې ګني دا نوي ځیرکو موبايلونو په ۲۰۱۹ کال کې د ځینو هغو کارنو اړتیاوې پوره کولای شي چې په انډرویډ سيسټم چلېږي.
تر اوسه دغه شرکت بازار ته د دغه ټیلیفون د را ایستلو اعلان نه دی کړی او نه یې هم د د هغه وزن اعلان کړی.

سرخط ورځپاڼه

Comments
Loading...