ناسا ۵ جي بي انټرنېټ ازمايي

0 39

یوه جاپانۍ کمپنۍ چې د امریکا له فضایي څېړنو ادارې یا ناسا سره یو ځای کار کوي، غواړي د لمریزې بې‌پیلوټې الوتکې په مرسته د 5G یا پنځم نسل انټرنېت و ازمايي.
لوېديځې رسنۍ زیاتوي، د هاک ۳۰ په نوم دا بې‌پیلوټه الوتکه به په راتلونکیو اوونیو کې ډېر ژر کار پیل کړي چې په مرسته به يې ټوله نړۍ کې د پنځم نسل انټرڼېټ په ازمایښتي ډول کار کوي.
سرچینه زیاتوي، په راتلونکیو درې میاشتو کې به د دې ازمايښت کارونه لا چټک شي او د نړۍ په ناامنه او لرې پرتو سیمو کې به هم د بې‌تاره او وایرلېس په ډول پنځم نسل انټرنېټ ته لاسرسی پیدا شي.
د هاک ۳۰ په نوم دا نوی سيسټم لس ماشینونه لري چې ۲۰ کېلو مټره پورته هوا ته پورته کېږي او سولري وزرونو په مرسته له لمره برېښنا اخلي.

سرخط ورځپاڼه

Comments
Loading...