د ګوګل بل انقلاب

0 75

د نړۍ تر ټولو مشهور لټون ماشین ګوګل کمپنۍ پرته انټرنيټ یوازې محسوسېږي، ځکه دا کمپنۍ وخت ناوخت داسې اپليکېشنونه معرفي کوي چې د ژوند ډېرې ستونزمنې چارې ورسره اسانېږي.
اوس تازه دې کمپنۍ یو جادويي اپليکېشن معرفي کړی چې له انقلابه کم نه‌ دی، ځکه دا اپليکېشن د متن او انځور په برخه کې خورا ګټور ثابتېدای شي او ډېر سخت کارونه اسانوي.
که تاسې ته یو ملګری/ملګرې په انځوري بڼه یو متن در واستوي، مجبور یاست هغه متن بېرته ټایپ کړئ، څو په متن واوړي، خو د ګوګل د نوي اپليکېشن پر وړاندې کېدو سره اوس دا کیسه پخوانۍ ده.
ګوګل تازه د «ګوګل انځور» په نوم داسې اپليکېشن جوړ کړی چې په مرسته یې پر انځور لیکل شوی متن کاپي کوي او هر ځای چې وغواړئ په هماغه ځای کې یې پيسټ کولای شئ.
که تاسې غواړئ خپل ملګري/ملګرې ته پر انځوریز لیکل شوې منځپانګه د متن په بڼه واستوئ، کولای شئ، دا اپليکېشن انسټال کړئ او دې اپليکېشن د لينز له لارې متن لومړی انتخاب بیا کاپي او تر پيسټ کېدو وروسته واستوئ.
د دې اپليکېشن په مرسته هغه متن چې په نورو ژبو لیکل شوي وي، کولای شئ، په ګوګل انځور کې د خپلې خوښې ژبې ته هم وژباړئ.

Comments
Loading...