اوس دې نو د بېلتانه لاس خلاص وي

اوس د نړۍ چټکې الوتکې جنګي جيټ دي چې تېز رفتار کوي، خو پوهېږئ ژر به مسافر وړونکې الوتکې هم همداسې چټکې شي.
اوس د مسافر وړونکيو الوتکو د بهرنۍ باډي د جوړولو په موخه داسې سراميكي مواد توليد شوي دي چې د سانټي ګراډ په كچه تر ۳ زره درجو پورې د تودوخې پر وړاندې مقاومت لري.
كه چېرې ساينس‌پوهان په دې وتوانېږي چې له دې ډول موادو څخه د الوتكې باډي جوړه شي؛ نو د لندن او نيويارك تر منځ د الوتنې وخت به له نهو ساعتو څخه ۲ ساعتونو ته راټيټ شي.
دا ځانګړي مواد په انګلستان كې د مانچسټر د پوهانو له‌خوا په چين كې د منځني سوېل د پوهنتون د پوهانو په همكارۍ د اوږدې مودې لابراتواري هلو ځلو په پايله كې توليد كړي دي.
د دې موادو په تركيب كې ټايټانيوم، كاربن او بوريم كارول شوي دي.
كه چېرې پوهان بريالي شي چې نوې الوتكه توليد كړي؛ نو د غږ د سرعت په پرتله به ۵۵ برابره لا زياته پرمختللې او چټكه وي.
تمه کېږي چې دا الوتكې به د الوتنې پر مهال د ځمكې د اټوموسفېر په تر ټولو لوړې طبقې كې حركت وكړي؛ څو د سرعت مخه يې و نه نيول شي.

سرخط

Categories: ساینس او ټکنالوژي