د سنځلو روغتیايي ګټې/ حمیدالله حمیدي

0 168

دا چې د سنځلې ونه له هر ډول محیط سره جوړ جاړی کولی شي، نو د نړۍ په بېلابېلو هېوادونه کې پیدا کېږي او کرل کېږي هم. د سنځلې ټولې برخې؛ هغه که ریښې وي، پوستکی وي او یا هم خپله مېوه ګټورې بلل شوې دي. 

د سنځلو خوړل د معدې او ینې د پیاوړي کېدو لامل کېږي. سنځلې په خپل ترکیب کې تر ټولو قوي انټي اکسیډان لري چې د ناروغیو پر وړاندې د بدن مقاومت لوړوي. 

سنځلې د التهاب ضد ځانګړنه لري او کم کالري مېوه بلل کېږي. ګټه یې د هغو کسانو لپاره ډېره ده چې غواړي خپل وزن کم کړي. پر دې ټولو سربېره سنځلې نورې ډېرې ګټې هم لري چې ځینو ته یې په لاندې ډول اشاره کوو: 

سنځلې د تبې او درد ضد خاصیت لري
سنځلې زړه قوي کوي
سنځلې سر درد له منځه وړي
سنځلې اسهال کابو کوي او د خونریزۍ مخه نیسي
سنځلې د مفاصلو درد او د پوستکي خارښ له منځه وړي
سنځلې د پوست د ښکلا لپاره ښه نسخه ده 

سنځلې د افغانستان په مشهورو وچو مېوو کې راځي چې د هېواد په ډېرو ولایتونو کې موندل کېږي، خو د لوګر ولایت سنځلې بیا خورا مشهورې دي. په دغه ولایت کې ډول ډول سنځلې پیداکېږي او ګڼ مینه وال هم لري. 
  

Comments
Loading...