امریکا د کرونا ویروس ضد جوړ کړی واکسین نن د لومړي ځل لپاره امتحانوي

0 69

په امریکا متحده ایالتونو کې  د نوي ډول کرونا ویروس لپاره جوړ شوی واکسین نن د لومړي ځل لپاره واشنګټن ایالت کې امتحانیږي.

د اسوشیتید پرس خبري اژانس د امریکايي چارواکیو له قوله لیکلي دي چې  د امریکا د ملي روغتیايي انیستیتیوتونو لخوا جوړ شوی واکسین د واشنګټن ایالت د سیټل ښار د قیصر پرماننته د روغتیايي تحقیقاتو په انیستیتیوت کې امتحانیږي.

ویل کیږي  دا واکسین به په ۴۵ تنو داوطلبه صحي کسانو باندې  تطبیق  او امتحان کړی شي. پدې کسانو کې به یواځې او یواځې  د واکسین جانبي عوارض امتحان کړی شي.

نوموړو چارواکیو ویلي دي چې د کرونا ویروس د ناروغو لپاره د تطبیق په خاطر دا واکسین د ۸ میاشتو نه تر یو کاله پورې وخت  اړتیا لري.

پداسې حال کې چې د کرونا ویروس په ډیرې چټکۍ سره د نړۍ هر ګوټ ته د خوریدو په حال کې دی د نړۍ یو زیات شمیر هیوادونو د  نوموړی ویروس ضد واکسین د جوړولو په خاطر هلې ځلې پیل کړي دي.

د روغتیا د نړۍوال سازمان د شمیرو له مخې  په نړۍ کې څه باندې ۱۷۰ زره تنه د لومړي ځل لپاره د چین د ووهان په ښار کې لیدل شوي په کرونا ویروس اخته شوي دي.

د کرونا ویروس له امله نږدې ۶زرو تنو ژوند د لاسه ورکړی دی.

trt.net.tr

Comments
Loading...