پولیسو د پښتون ژغورنې غورځنګ همکار مدني فعال پروفیسر عمار نیولی

0 48

پاکستانی حکومت چوپ دی؛
پولیسو د پښتون ژغورنې غورځنګ همکار مدني فعال پروفیسر عمار نیولی

پاکستاني پولیسو د پښتون ژغورنې غورځنګ له فعالانو سره د همکارۍ په تور پروفیسر عمار نیولی دی. د یاد غورځنګ غړو ویلي، پنجابي پولیسو د پښتون ژغورنې غورځنګ د فعال غړي ارمان لوڼي په وژنه د احتجاج کولو له امله د مدني ټولنې فعال پروفیسر عمار نیولی دی. درې ورځې وړاندې د پولیسو لخوا په درج شوې مقدمه کې ویل شوي و چې د پي ټي‌ ایم له ۱۰۰ تر ۱۵۰پورې فعالین د منظور پشتین په وینا راټول شوي وو او د امنیتي ادارو پر ضد یې شعارونه ورکول. پروفیسر عمار چې له کیمبرج څخه یې لوړې زده کړې کړي دي، پولیسو د شپې څلور بجې له خپل کور څخه نیولی دی. منظور پشتین پر خپل ټویټر لیکلي دي، د یو استاد په کور ځکه د شپې څلور بجې خلک ورخیژي چې هغه د پروفیسر ارمان لوڼي د وژنې پر ضد احتجاج کې برخه اخستې وه، دا څنګه انصاف دی. په ټولنیزو رسنیو کې د پي‌ ټي ایم د غړو په نیونه له تیرو څو ورځو راهیسې چټک غبرګونونه روان دي خو حکومت، پوځ او پاکستانۍ میډیا په دې اړه غلي پاتې دي.

Comments
Loading...